Kaa tayari kwa kolabo kati ya Vanessa Mdee na Tekno (Nigeria)

Muimbaji Vanessa Mdee mara nyingi amekuwa akifanya kazi zake kimya kimya na zinapokaribia kukamilika ndio huweka wazi. Lakini safari hii amefanya tofauti kwa kushare taarifa hizo mapema na tutarajie kazi nzuri katika ziara yake ya Nigeria.

Vee Money baada ya kushinda tuzo ya AFRIMA, jumapili iliyopita Lagos, Nigeria ameutumia vizuri muda wake aliokaa nchini humo kwa kufanya kazi na wasanii na maproducer wa  Nigeria.

Baada ya kushare na mashabiki wake kuwa amerekodi  wimbo na hitmaker wa ‘My Woman, My Everything’ Patoranking, pia kuna kazi nyingine aliyofanya na hit maker wa ‘Duro’ Tekno Miles ambaye pia ni Producer.

Tekno alipost picha Instagram akiwa na Vee Money na kuandika, “Get ready #Vee&Tek cc @vanessamdee.

Naye Vanessa alipost picha hiyo hiyo na kuandika, “Get ready for it…@teknoofficial #Alhaji #MoneyOn The Track

Baada ya kutoka Nigeria Vanessa ameenda Johannersburg, Afrika Kusini ambako anatarajia kutumbuiza katika tamasha la Africa Music Concert litakalofanyika ijumaa ya leo Novemba 20. Wasanii wengine watakaotumbuiza ni Wizkid, David, Victoria Kimani, AKA, Casper Nyovest na wengine.

Source: mdundo.com